|சவூதிக்கான இலங்கைத் தூதுவருடன் ஓர் சந்திப்பு |

- Muhammad Abu Khalidh -
2018/10/20 திகதி சனிக்கிழமை சவூதிக்கான இலங்கைத் தூதுவர் கௌரவ அஸ்மி தாஸிம் அவர்களுக்கும், அல்-இமாம் பல்கலைக்கழக இலங்கை மாணவர்களுக்குமிடையிலான ஓர் சினேக பூர்வ சந்திப்பு இடம்பெற்றது அல்ஹம்துலில்லாஹ். 

இச்சந்திப்பில் அல் - இமாம் பல்கழலைக்கழக இலங்கை மாணவர் ஒன்றியத்திற்கும் சவூதிற்கான இலங்கை தூதரகத்திற்கும் இடையிலான தொடர்புகள் பற்றி அலசியதுடன் எதிர் காலத்தில் எவ்வாறு தம்மாலான சமூக சேவைகளை மேற்கொள்ளலாம் எனவும் கலந்துரையாடப்பட்டு சில முடிவுகளும் எடுக்கப்பட்டன.

தொடர்ந்து மூன்று மணித்தியால கலந்துரையாடலின் பின்னர் தூதுவர் கௌரவ அஸ்மி தாஸிம் அவர்களால் ஏற்பாடு செய்யப்பட்ட பகல் உணவுடன் இச்சந்திப்பு இனிதே முடிவுற்றது.

இச்சந்திப்பை ஏற்பாடு செய்த சவூதிக்கான இலங்கைத் தூதுவர் கௌரவ அஸ்மி தாஸிம் அவர்களுக்கும் மற்றும் அவர்களுடன் சேர்ந்து அல் இமாம் -பல்கலைக்கழகத்தில் கலைமானி பட்டப்படிப்பை பூர்த்தி செய்து தற்போது சவூதிக்கான இலங்கைத் தூதுவரலாயத்தில் பணி புரியும் கௌரவ மௌலவி ஷாஹுல் ஹமீத் (கபூரி, ரியாதி) அவர்களுக்கும் அல்-இமாம் பல்கழலைக்கழக இலங்கை மாணவர் ஒன்றியம் சார்பாக நன்றிகளை தெரிவித்து கொள்வதில் மிக்க மகிழ்ச்சி அடைகிறோம்.